(( فماااان الله ))

فمان الله يـادربِ علـى الهجـر يتحرانـي $$$ خذاه الوقت من جنبي ولا جانـي ولا جيتـه

قصيدي يا قصيدي اسكن فقلبي طـرف ثانـي $$$ قبل يسكن بيوتـي جنـه وتمسـي عفاريتـه

تعال اسأل نجوم الليل ياهاجـر مـن ألهانـي $$$ وأنا أعلمك بالوقت الطويـل وكيـف قضيتـه

بغيت أقوى على بعدك وراح الصبر ما أمداني $$$ أهز الشوق وإن طاح الوله بالحضن ظميتـه

ربيعي يا خريفي يا شتاي ويا صيفي الهانـي $$$ تراك أنت الفصول وهجرة الشاعر وتشتيتـه

فضت كل الشوارع مالقيـت اللـي تريانـي $$$ مثل طفل طلـع يلعـب ورد ومالقـى بيتـه

تحداني،،،تحداني،،،حبيـبـي لا تـحـدانـي $$$ أنا لولاك لحن الهجـر والفرقـا مـا غنيتـه

تمنيتـك وقلـت فخاطـري ليتـه تمنـانـي $$$ وأنا ما كـل واحـد شافتـه عينـي تمنيتـه

على كيفك تذكرنـي علـى كيفـك تناسانـي $$$ وأنا طاريـك ولا يـوم فـي قلبـي تناسيتـه

زرعتـك وردة حمـرا تزيـن كـل بستانـي $$$ ودفنت القلب فـي تربـة مشاعرنـا وخليتـه

أنا المجني عليه اللي يقـدر طعنـة الجانـي $$$ لأن جرحـه يذكرنـي بطاريـه لا حسيـتـه

تحياتي .. (( بنوتة المحرق ))